گؤنولوموائتمیش جمالین شؤقو حئیران سئوگلیم
یوخ بشرده سن کیمی ایستکلی , جانان سئوگیلیم
هرگؤرنده گول اوزون,دویماز تماشادان گؤنول
اولموشام بولبول صفت عشقینده نالان سئوگیلیم
من محبت مولکونون مجنونو,سن لیلاسی سان
درس آلا بیزدن گئرک عشق اهلی هر آن ,سئوگیلیم
عشق دردیندن چتین بیر درد یوخموش دهرده
چاره سین,تاپمازدردین گلسه لقمان,سئوگلیم
چاره اولسایدی ,زلیخادان اولاردی یوسفه
ائیله دی واحد کیمی پابند زندان ,سئوگیلیم
گر چی درد اهلی ایچیر باده نی جان ساغلیغینا
ایچیرم من اونو بیرآفت جان ساغلیغینا
قانمایان کیمسه بوقان اولموشا قیمت وئرمز
عارف اول,ایچ مئی گولگونوقانان ساغلیغینا
بیل,نه معنایه قدح لرتوخونورربیر-بیرینه
قالدیرین جام شرابی یارادان ساغلیغینا
جام توت نازلی گؤزه للرله,اگر روحون وار
قوجالار ذؤوق آلار ایچدیکجه جاوان ساغلیغینا
من جهان ذؤوقون آلوده سی اولسایدیم اگر
مست اولاردیم ابدیت له جهان ساغلیغینا
ترک عادت اؤزو جان ساغلیغینین دوشمنی دیر
دورما,ایچ باده نی,وئرفکرینی جان ساغلیغینا
خاطریمدن کئچیرایام جاوانلیق ,واحد
قالدیراردیم قدحی پیر مغان ساغلیغینا